当地球资源日益枯竭嘅时候，发展替代能源系一门我哋而家唔做唔得嘅生意，而世界各国都尽力于发掘新能源嘅时候，同时又要提高效率同降低成本。以色列最近就发展出世界上第一个既能发电又能供热嘅太阳能系统，并喺26号正式试用运行。
依个名为「集成光伏技术」太阳能系统目前安设喺以色列中部集体农庄——亚夫内基布兹，负责研究开发嘅技术官罗伯特惠兰介绍指，新制成嘅太阳能系统不仅可以发电，而且喺发电嘅同时因为电池板会产生高热量，流经嘅水通过特设水冷系统可以变成热水，可以供成个农庄250户家庭使用。
系统最大嘅优点系，普通嘅太阳能装置只系用到太阳能嘅10-15%，但「集成光伏技术」就可以用到70%左右的太阳能。由于成本低、性能稳定、功效大，城市一旦采用，市民仲可以悭电悭钱，而且喺现时全球污染日益严重，石油、天然气等传统燃料能源越来越短缺嘅情况下，相信依种「又平又靓」嘅绿色能源系统一定可以为持续发展带来生机，并且可以得到一众国家政府嘅认可欢迎。
唔讲其它，单系以目前亚夫内基布兹安装咗依套系统嚟讲，当地50%嘅能源需求已经得到满足，而且每年仲可以减少消耗约4万升化石燃料，喺节约同环保方面，都相当受当地居民欢迎。
